"Nyurnberg"ni 2024 yilning yozidan buyon boshqarib kelayotgan jahon chempioni Miroslav Kloze klub bilan kelishuvni uzaytirishga tayyor.
Insayder Florian Plettenbergning yozishicha, bosh murabbiy va rahbariyat o‘rtasidagi asosiy kelishuvga allaqachon erishilgan va yangi shartnoma shu yilning oxirigacha imzolanishi kutilmoqda.
Eslatib o‘tamiz, Klozening avvalgi mehnat shartnomasi joriy mavsum oxirida o‘z nihoyasiga yetadi. Uning qo‘l ostida jamoa mavsumni muvaffaqiyatsiz boshlaganidan so‘ng, so‘nggi beshta o‘yinda o‘n bir ochko to‘plashga muvaffaq bo‘ldi va Ikkinchi Bundesligada 11-o‘rinni egallab turibdi.













