"Нюрнберг"ни 2024 йилнинг ёзидан буён бошқариб келаётган жаҳон чемпиони Мирослав Клозе клуб билан келишувни узайтиришга тайёр.
Инсайдер Флориан Плеттенбергнинг ёзишича, бош мураббий ва раҳбарият ўртасидаги асосий келишувга аллақачон эришилган ва янги шартнома шу йилнинг охиригача имзоланиши кутилмоқда.
Эслатиб ўтамиз, Клозенинг аввалги меҳнат шартномаси жорий мавсум охирида ўз ниҳоясига етади. Унинг қўл остида жамоа мавсумни муваффақиятсиз бошлаганидан сўнг, сўнгги бешта ўйинда ўн бир очко тўплашга муваффақ бўлди ва Иккинчи Бундеслигада 11-ўринни эгаллаб турибди.













