"Manchester Siti" va Norvegiya terma jamoasi hujumchisi Erling Xoland jahon chempionati saralash uchrashuvlarida barqaror o‘yin namoyish etib kelayotgan futbolchilar qatoridan joy oldi. Bu haqda Portugaliyaning Sapo portali xabar bermoqda.
13 noyabr kuni Estoniya bilan bo‘lib o‘tgan va 4:1 hisobida yakunlangan o‘yin tufayli Xoland jahon chempionatida ketma-ket 7 ta saralash o‘yinida kamida 1 ta gol urgan beshinchi futbolchiga aylandi.
Bungacha Stiv Devid (Trinidad va Tobago), Ibrohim Bakaye (Kot-d'Ivuar), Paulete (Portugaliya) va Takumi Minamino (Yaponiya) bunga muvaffaq bo‘lgandi.
Norvegiya amalda jahon chempionatiga yo‘llanmani qo‘lga kiritdi. Buning uchun jamoa Italiyaga 9 va undan ortiq to‘p farqi bilan yutqazmasa kifoya.













