"Манчестер Сити" ва Норвегия терма жамоаси ҳужумчиси Эрлинг Холанд жаҳон чемпионати саралаш учрашувларида барқарор ўйин намойиш этиб келаётган футболчилар қаторидан жой олди. Бу ҳақда Португалиянинг Sapo портали хабар бермоқда.
13 ноябрь куни Эстония билан бўлиб ўтган ва 4:1 ҳисобида якунланган ўйин туфайли Холанд жаҳон чемпионатида кетма-кет 7 та саралаш ўйинида камида 1 та гол урган бешинчи футболчига айланди.
Бунгача Стив Дэвид (Тринидад ва Тобаго), Иброҳим Бакайе (Кот-д'Ивуар), Паулете (Португалия) ва Такуми Минамино (Япония) бунга муваффақ бўлганди.
Норвегия амалда жаҳон чемпионатига йўлланмани қўлга киритди. Бунинг учун жамоа Италияга 9 ва ундан ортиқ тўп фарқи билан ютқазмаса кифоя.
