So‘nggi yillarda "Chelsi" transferlarga juda katta mablag‘ sarfladi. Londonliklar bu bilan to‘xtab qolishmoqchi emas shekilli. Fichajes portali ma’lumotiga ishonadigan bo‘lsak, "aristokratlar" "Atletiko"ning yulduz hujumchisi Xulian Alvares uchun 150 million yevro tayyorlamoqda.
Qayd etilishicha, Alvaresning "Chelsi"ga o‘tishiga uning Argentina terma jamoasidagi sherigi - yarim himoyachi Enso Fernandes yordam berishi mumkin.
Agar "Chelsi" Alvaresni 150 million yevroga sotib olsa, bu klub tarixidagi eng qimmat transfer bo‘ladi. Hozirda "Chelsi" uchun Enso Fernandesning 121 million yevroga xarid qilinishi rekord hisoblanadi.
25 yoshli Xulian Alvares bu mavsumda 15 ta o‘yinda 9 ta gol urdi va 4 ta golli uzatmani amalga oshirdi.
