Ispaniya terma jamoasi bosh murabbiyi Luis de la Fuente "Real" markaziy himoyachisi Din Xyoysenning jarohati haqida gapirdi.
20 yoshli futbolchi shanba kuni bo‘lib o‘tgan va ispanlarning (4:0) g‘alabasi bilan yakunlangan Gruziya terma jamoasiga qarshi o‘yindan oldin safdan chiqqandi.
"Bugun Xyoysen o‘zini biroz noqulay his qildi, bizning vazifamiz esa o‘z futbolchilarimizga g‘amxo‘rlik qilish. Biz "Real"ning tibbiy shtabi bilan ajoyib hamkorlik qilmoqdamiz, qaror birgalikda qabul qilindi", - dedi de la Fuente o‘yindan keyingi matbuot anjumanida.
Seshanba kuni "qizil furiya" o‘z uyida Turkiyani qabul qiladi.
