Испания терма жамоаси бош мураббийи Луис де ла Фуэнте "Реал" марказий ҳимоячиси Дин Хёйсеннинг жароҳати ҳақида гапирди.
20 ёшли футболчи шанба куни бўлиб ўтган ва испанларнинг (4:0) ғалабаси билан якунланган Грузия терма жамоасига қарши ўйиндан олдин сафдан чиққанди.
"Бугун Хёйсен ўзини бироз ноқулай ҳис қилди, бизнинг вазифамиз эса ўз футболчиларимизга ғамхўрлик қилиш. Биз "Реал"нинг тиббий штаби билан ажойиб ҳамкорлик қилмоқдамиз, қарор биргаликда қабул қилинди", - деди де ла Фуэнте ўйиндан кейинги матбуот анжуманида.
Сешанба куни "қизил фурия" ўз уйида Туркияни қабул қилади.
