Fransiya terma jamoasi ustozi Didye Desham JCH-2026 saralashidan o‘rin olgan Ozarbayjonga qarshi o‘yin oldidan hujumchi Ugo Ekitike haqida fikr bildirdi.
Mutaxassisning so‘zlariga ko‘ra, hujumchi hali terma jamoada katta tajribaga ega emas, ammo uning rivojlanishi to‘g‘ri yo‘nalishda ketmoqda.
"Ugo hozircha terma jamoada ko‘p o‘ynamadi, ammo u o‘sib bormoqda. U Ukraina bilan o‘yinda juda yorqin harakat qildi va gol urdi. U mamnun, o‘zini yaxshi his qilyapti, o‘yin amaliyotiga ega bo‘lishni istaydi. Bu yerda ham hamma ko‘proq o‘ynashga intilmoqda", - dedi Desham.
Ozarbayjon - Fransiya uchrashuvi bugun, Toshkent vaqti bilan soat 22:00 da boshlanadi.
