"Elche"ning yosh yarim himoyachisi Rodrigo Mendosa Turinning "Yuventus" klubi nazariga tushdi. Bu haqda Tuttosport xabar bermoqda.

Manbaga ko‘ra, futbolchining hozirgi klubi bilan shartnomasida uning tovon puli 20 mln yevro etib belgilangan.

Mendosa joriy mavsumda "Elche" safida 10 ta o‘yinda maydonga tushib, 2 ta gol urdi. Rodrigo ushbu klub tizimida 2019 yildan buyon to‘p tepib kelmoqda, umumiy hisobda hozirgacha xavbek uning tarkibida 61 ta o‘yinda maydonga tushib, 6 ta gol urgan va 2 ta golga hammualliflik qilgan. Transfermarkt sayti ma’lumotlariga ko‘ra, Rodrigoning ayni damdagi narxi 9 mln yevroni tashkil qilmoqda. Futbolchining "Elche" bilan mehnat shartnomasi 2028 yilning yozigacha mo‘ljallangan.