"Эльче"нинг ёш ярим ҳимоячиси Родриго Мендоса Туриннинг "Ювентус" клуби назарига тушди. Бу ҳақда Tuttosport хабар бермоқда.
Манбага кўра, футболчининг ҳозирги клуби билан шартномасида унинг товон пули 20 млн евро этиб белгиланган.
Мендоса жорий мавсумда "Эльче" сафида 10 та ўйинда майдонга тушиб, 2 та гол урди. Родриго ушбу клуб тизимида 2019 йилдан буён тўп тепиб келмоқда, умумий ҳисобда ҳозиргача хавбек унинг таркибида 61 та ўйинда майдонга тушиб, 6 та гол урган ва 2 та голга ҳаммуаллифлик қилган. Transfermarkt сайти маълумотларига кўра, Родригонинг айни дамдаги нархи 9 млн еврони ташкил қилмоқда. Футболчининг "Эльче" билан меҳнат шартномаси 2028 йилнинг ёзигача мўлжалланган.
