Italiya terma jamoasi yarim himoyachisi Manuel Lokatelli JCH-2026 saralashidan o‘rin olgan Norvegiyaga (1:4) qarshi uy uchrashuvidagi mag‘lubiyat haqida fikr bildirdi.

"Bizning JCHga chiqishimiz Osloda xavf ostida qolgandi, ammo bugun yaxshiroq harakat qilishimiz kerak edi. Ikkinchi golni urishga harakat qildik, ammo kuchsizlik qildik va bunga yana yo‘l qo‘yib bo‘lmaydi. Xatolarni tahlil qilish kerak, chunki ba’zi paytlarda hamjihatroq harakat qilishimiz kerak.

Endi qur’a tashlanishini kutamiz va umid qilamizki, mart oyida butunlay boshqacha kayfiyat bilan kelamiz. Norvegiya - yuqori saviyali jamoa, ammo biz baribir yaxshiroq o‘ynashimiz kerak edi. Biz mas’uliyatni o‘z zimmamizga olib, o‘yinni yaxshilashimiz kerak. Bu bizning darajamiz bo‘lmasligi kerak. Biz yaxshiroq o‘ynay olamiz va shunday bo‘lishi kerak," - deya 27 yoshli futbolchining so‘zlarini keltiradi Sky Sport.