Endrikning ijarasi bo‘yicha "Real" va "Lion" o‘rtasidagi muzokaralarda yangi tafsilotlar paydo bo‘ldi.
The Athletic nashri tarqatgan xabarga ko‘ra, tuzilajak kelishuvga maxsus band kiritilgan: agar hujumchi asosiy tarkibda ma’lum miqdorda o‘yin o‘tkazmasa, fransuz klubi madridliklarga qo‘shimcha pul to‘lashi kerak bo‘ladi.
Avvalroq, "Real" 19 yoshli braziliyalikni 2026 yilning yozigacha sotib olish imkoniyatisiz ijaraga yuborishga tayyorligi, uning maoshining bir qismi madridliklar hisobida qolishi ma’lum bo‘lgandi. Shu bilan birga, "qaymoqranglilar" hujumda kadrlar bilan bog‘liq muammolar yuzaga kelgan taqdirda uni muddatidan oldin qaytarish huquqini saqlab qoladi.
