Эндрикнинг ижараси бўйича "Реал" ва "Лион" ўртасидаги музокараларда янги тафсилотлар пайдо бўлди.

The Athletic нашри тарқатган хабарга кўра, тузилажак келишувга махсус банд киритилган: агар ҳужумчи асосий таркибда маълум миқдорда ўйин ўтказмаса, француз клуби мадридликларга қўшимча пул тўлаши керак бўлади.

Аввалроқ, "Реал" 19 ёшли бразилияликни 2026 йилнинг ёзигача сотиб олиш имкониятисиз ижарага юборишга тайёрлиги, унинг маошининг бир қисми мадридликлар ҳисобида қолиши маълум бўлганди. Шу билан бирга, "қаймоқранглилар" ҳужумда кадрлар билан боғлиқ муаммолар юзага келган тақдирда уни муддатидан олдин қайтариш ҳуқуқини сақлаб қолади.