"Liverpul" hujumkor yarim himoyachisi Dominik Soboslai "Manchester Siti" va "Real Madrid" qiziqishlari fonida klubdagi kelajagi borasida qanday pozisiyada ekanligi ma’lum bo‘ldi.

Liverpool Echo xabariga ko‘ra, 25 yoshli vengriyalik xavbek "qizillar" bilan 2028 yilgacha mo‘ljallangan shartnomasini yaxshilangan shartlarda uzaytirishga tayyor ekanligini bildirdi. U klub rahbariyatidan qo‘llab-quvvatlashni his qilmoqda.

Transfermarkt portalida 85 million yevroga baholanayotgan Soboslai joriy mavsumda jami 16 ta o‘yinda 2 ta gol urdi va 5 ta golli uzatma amalga oshirdi.