Turkiya terma jamoasi bosh murabbiyi Vinchenso Montella Ispaniyaga qarshi Jahon chempionati saralash bosqichining so‘nggi o‘yini oldidan matbuot anjumanida ishtirol etdi.
"Bu biz uchun juda muhim o‘yin. Bu o‘rtoqlik o‘yini bo‘lmaydi. Biz o‘ynaydigan har bir o‘yinda g‘alaba qozonishni istaymiz. Biz juda yaxshi tayyorgarlik ko‘rdik va kerakli natijaga erishish uchun qo‘limizdan kelgan barcha ishni qilamiz.
Bunday o‘yinlar har doim ajoyib motivasiya beradi. Futbolchilik faoliyatimga nazar tashlasam, mening eng sevimli o‘yinlarim aynan shunday o‘yinlar edi. Chunki ular o‘zingizni isbotlashni istagan o‘yinlardir.
Futbolda hamma narsa mumkin. Biz Ispaniyani mag‘lub eta olishimizni bilamiz", deydi murabbiy.
Ispaniya 15 ochko bilan jadvalda yetakchilik qilmoqda. Turkiya 12 ochkoga ega va yettita gol farqi bilan g‘alaba qozonishi kerak bo‘lgan holda, peshqadamlikni qo‘lga kiritish uchun deyarli hech qanday imkoniyatga ega emas.
