Туркия терма жамоаси бош мураббийи Винченцо Монтелла Испанияга қарши Жаҳон чемпионати саралаш босқичининг сўнгги ўйини олдидан матбуот анжуманида иштирол этди.
"Бу биз учун жуда муҳим ўйин. Бу ўртоқлик ўйини бўлмайди. Биз ўйнайдиган ҳар бир ўйинда ғалаба қозонишни истаймиз. Биз жуда яхши тайёргарлик кўрдик ва керакли натижага эришиш учун қўлимиздан келган барча ишни қиламиз.
Бундай ўйинлар ҳар доим ажойиб мотивация беради. Футболчилик фаолиятимга назар ташласам, менинг энг севимли ўйинларим айнан шундай ўйинлар эди. Чунки улар ўзингизни исботлашни истаган ўйинлардир.
Футболда ҳамма нарса мумкин. Биз Испанияни мағлуб эта олишимизни биламиз", дейди мураббий.
Испания 15 очко билан жадвалда етакчилик қилмоқда. Туркия 12 очкога эга ва еттита гол фарқи билан ғалаба қозониши керак бўлган ҳолда, пешқадамликни қўлга киритиш учун деярли ҳеч қандай имкониятга эга эмас.
