Boshqa klublarda ijara asosida to‘p tepayotgan "Barselona" futbolchilari o‘zlarini yaxshi ko‘rsatishmayapti.

Ansu Fati "Monako"da mavsumni yorqin boshladi va bir muncha vaqt Liga 1 to‘purarlari ro‘yxatini boshqardi, ammo sermahsullik tezda yakunlandi - so‘nggi oltita o‘yinda hujumchi gol ura olmadi.

Mundo Deportivo xabariga ko‘ra, "Barsa" Fatini ijarada yetarlicha o‘yin amaliyotiga ega bo‘lmayapti, deb hisoblamoqda. Darvozabonlar Inyaki Penya ("Elche") va Ander Astralaga ("Granada"), shuningdek, o‘ng qanot himoyachisi Ektor Fort ("Elche") bilan ham shunday - ularda ham asosiy tarkibda doimiy joy yo‘q, bu esa Kataloniya grandi vakillarining hafsalasini pir qilmoqda.