Braziliya terma jamoasi bosh murabbiyi Karlo Anchelotti Neymarning jahon chempionati - 2026ga chaqirilishi borasida fikr bildirdi.

"Neymar jarohatidan sog‘aydi va endi uning formasini tiklash uchun olti oy vaqt bor. Braziliyadagi chempionat yakunlangach, u ta’tilga chiqadi, keyin esa musobaqalar qayta tiklangach, o‘z fazilatlari va jismoniy tayyorgarligini namoyish eta oladi," - deya Anchelottining so‘zlarini keltiradi The Touchline.

Aytish kerakki, Neymar Braziliya terma jamoasiga ikki yildan ortiq vaqtdan buyon chaqirilmayapti. Umumiy hisobda 33 yoshli hujumchi 128 ta uchrashuvda 79 ta gol va 59 ta assistni o‘z hisobiga yozdirib qo‘ygan.