Бразилия терма жамоаси бош мураббийи Карло Анчелотти Неймарнинг жаҳон чемпионати - 2026га чақирилиши борасида фикр билдирди.
"Неймар жароҳатидан соғайди ва энди унинг формасини тиклаш учун олти ой вақт бор. Бразилиядаги чемпионат якунлангач, у таътилга чиқади, кейин эса мусобақалар қайта тиклангач, ўз фазилатлари ва жисмоний тайёргарлигини намойиш эта олади," - дея Анчелоттининг сўзларини келтиради The Touchline.
Айтиш керакки, Неймар Бразилия терма жамоасига икки йилдан ортиқ вақтдан буён чақирилмаяпти. Умумий ҳисобда 33 ёшли ҳужумчи 128 та учрашувда 79 та гол ва 59 та ассистни ўз ҳисобига ёздириб қўйган.
