"Bornmut" vingeri Antuan Semenyo yanvar oyidayoq jamoasini o‘zgartirishi mumkin. "Giloslar" yulduziga ko‘plab grandlar qiziqish bildirmoqda, biroq 25 yoshli futbolchining o‘zi barcha variantlar orasida "Liverpul"ni afzal ko‘rmoqda, deb xabar beradi DaveOCOP. Klublar o‘rtasida ganaliklarning transferi bo‘yicha "ijobiy" muzokaralar bo‘lib o‘tgan.
Transfermarkt portali mutaxassislarining baholashicha, Antuan Semenyoning narxi 55 mln yevroni tashkil etadi. Premyer-liganing joriy mavsumida hujumning har ikki qanotida o‘ynay oladigan futbolchi "Bornmut" safida 11 ta o‘yinda 6 ta gol urib, 3 ta golli uzatmani amalga oshirdi.
