"Борнмут" вингери Антуан Семеньо январь ойидаёқ жамоасини ўзгартириши мумкин. "Гилослар" юлдузига кўплаб грандлар қизиқиш билдирмоқда, бироқ 25 ёшли футболчининг ўзи барча вариантлар орасида "Ливерпуль"ни афзал кўрмоқда, деб хабар беради DaveOCOP. Клублар ўртасида ганаликларнинг трансфери бўйича "ижобий" музокаралар бўлиб ўтган.
Transfermarkt портали мутахассисларининг баҳолашича, Антуан Семеньонинг нархи 55 млн еврони ташкил этади. Премьер-лиганинг жорий мавсумида ҳужумнинг ҳар икки қанотида ўйнай оладиган футболчи "Борнмут" сафида 11 та ўйинда 6 та гол уриб, 3 та голли узатмани амалга оширди.
