"Manchester Yunayted" yozgi transferlar oynasida tarkibni kuchaytirish imkoniyatlarini o‘rganib chiqmoqda.
"Qizil iblislar" "Nottingem Forest" futbolchisi Elliot Andersonning harakatlarini kuzatishda davom etmoqda. Jurnalist Pol Xyorstning ma’lum qilishicha, mankunianliklar rahbariyati 23 yoshli inglizni katta ehtimol bilan mavsum yakunlangach jamoani tark etadigan Kazemiroga o‘rinbosar sifatida ko‘rmoqda. Braziliyalik futbolchiga Saudiya Arabistoni klublari tomonidan talab bor.
"Nottingem Forest" Andersonni 100 mln funtga (taxminan 113,5 mln yevro) baholamoqda. Angliya terma jamoasi xavbekiga Premyer-liganing boshqa vakillari ham da’vogarlik qilmoqda.
