"Liverpul" hujumchisi Ugo Ekitike hozirgi holati haqida fikr bildirdi. "Qizillar"ning qimmatbaho yangi futbolchisi jamoaning so‘nggi sakkizta o‘yinida atigi bitta gol urdi.
"Men rivojlanayotganimni his qilyapman. So‘nggi vaqtlarda juda ko‘p gol urmayotgan bo‘lsam-da, ba’zi jihatlarda rivojlanishga muvaffaq bo‘ldim. Eng muhimi - yaxshilanish va bu sodir bo‘ladi, shuning uchun ishonchim komilki, natija o‘zini ko‘p kuttirmaydi," - deya 23 yoshli futbolchining so‘zlarini keltirmoqda ingliz OAV.
"Liverpul" o‘tgan yozda Ugo Ekitikeni Frankfurtning "Ayntraxt" klubidan 95 mln yevroga sotib olgan edi.
Shanba kuni Arne Slot jamoasi Premyer-liga doirasida o‘z uyida "Nottingem Forest"ni qabul qiladi.
