"Ливерпуль" ҳужумчиси Уго Экитике ҳозирги ҳолати ҳақида фикр билдирди. "Қизиллар"нинг қимматбаҳо янги футболчиси жамоанинг сўнгги саккизта ўйинида атиги битта гол урди.
"Мен ривожланаётганимни ҳис қиляпман. Сўнгги вақтларда жуда кўп гол урмаётган бўлсам-да, баъзи жиҳатларда ривожланишга муваффақ бўлдим. Энг муҳими - яхшиланиш ва бу содир бўлади, шунинг учун ишончим комилки, натижа ўзини кўп куттирмайди," - дея 23 ёшли футболчининг сўзларини келтирмоқда инглиз ОАВ.
"Ливерпуль" ўтган ёзда Уго Экитикени Франкфуртнинг "Айнтрахт" клубидан 95 млн еврога сотиб олган эди.
Шанба куни Арне Слот жамоаси Премьер-лига доирасида ўз уйида "Ноттингем Форест"ни қабул қилади.
