"Manchester Yunayted" Premyer-liga doirasidagi "Everton"ga qarshi uy uchrashuviga tayyorgarlik ko‘rmoqda. "Qizil iblislar" bosh murabbiyi Ruben Amorim jamoadagi kadrlar masalasida fikr bildirdi.
"Sheshko bir necha haftani o‘tkazib yuboradi, lekin bu unchalik jiddiy emas. Biz ehtiyotkor bo‘lishimiz kerak. Ehtimol, bir-ikki haftadan so‘ng u maydonga qaytadi. Maguayr tayyor emas. Maynu bugun mashq qilmadi. Balki u ertaga mashg‘ulot o‘tkazar. Lisandro Martines o‘ynashga tayyor bo‘lishga yaqin," - dedi Amorim jurnalistlarga.
"Manchester Yunayted" ayni damda Angliya chempionati turnir jadvalida yettinchi o‘rinda bormoqda.
