"Манчестер Юнайтед" Премьер-лига доирасидаги "Эвертон"га қарши уй учрашувига тайёргарлик кўрмоқда. "Қизил иблислар" бош мураббийи Рубен Аморим жамоадаги кадрлар масаласида фикр билдирди.
"Шешко бир неча ҳафтани ўтказиб юборади, лекин бу унчалик жиддий эмас. Биз эҳтиёткор бўлишимиз керак. Эҳтимол, бир-икки ҳафтадан сўнг у майдонга қайтади. Магуайр тайёр эмас. Майну бугун машқ қилмади. Балки у эртага машғулот ўтказар. Лисандро Мартинес ўйнашга тайёр бўлишга яқин," - деди Аморим журналистларга.
"Манчестер Юнайтед" айни дамда Англия чемпионати турнир жадвалида еттинчи ўринда бормоқда.
