"Liverpul" "Nottingem Forest" yarim himoyachisi Elliot Andersonga qiziqish bildirmoqda. Ammo futbolchining o‘zi "Manchester Yunayted"ga o‘tib, Ruben Amorim qo‘l ostida ishlashni istamoqda. Bu haqda TEAMtalk xabar bermoqda.

Manbaga ko‘ra, 23 yoshli futbolchi "qizil iblislar"ning asosiy transfer maqsadi hisoblanadi. "O‘rmonchilar" Anderson transferi uchun 120 mln funt sterling (136,8 mln yevro) talab qilmoqda, ammo mankunianliklar 60 mln funt (68,4 mln yevro) evaziga kelishuvga erisha olishiga ishonmoqda.

Yarim himoyachi 2024 yilning yozida "Nyukasl"dan "Nottingem Forest"ga o‘tgandi. Bu vaqt ichida Anderson barcha turnirlarda 56 ta o‘yinda maydonga tushib, 3 ta gol va 7 ta golli uzatmani amalga oshirdi. Futbolchining klub bilan amaldagi mehnat shartnomasi 2029 yilning yoziga qadar mo‘ljallangan. Transfermarkt portalida keltirilgan ma’lumotlarga ko‘ra, futbolchining bozor narxi 45 mln yevroni tashkil etadi.