"Bavariya" vingeri Luis Dias Germaniyadagi faoliyatini ajoyib tarzda boshladi. Kolumbiyalik futbolchi shu yilning yozida "Liverpul"dan transfer qilingandi. Squawka ma’lumotlariga ko‘ra, batafsil ma’lumotlar to‘plangan vaqt davomida faqat Xarri Keyn (20) va Miroslav Kloze (13) "Bavariya" safida Bundesliganing dastlabki o‘nta o‘yinida Dias (10) dan ko‘proq golda ishtirok etgan.

28 yoshli futbolchining hisobida Vensan Kompani jamoasi safida Germaniya chempionatining joriy mavsumida oltita gol va to‘rtta golli uzatma bor. "Liverpul" sobiq yulduzining transferi myunxenliklarga 70 mln yevroga tushgan.