"Бавария" вингери Луис Диас Германиядаги фаолиятини ажойиб тарзда бошлади. Колумбиялик футболчи шу йилнинг ёзида "Ливерпуль"дан трансфер қилинганди. Squawka маълумотларига кўра, батафсил маълумотлар тўпланган вақт давомида фақат Харри Кейн (20) ва Мирослав Клозе (13) "Бавария" сафида Бундеслиганинг дастлабки ўнта ўйинида Диас (10) дан кўпроқ голда иштирок этган.
28 ёшли футболчининг ҳисобида Венсан Компани жамоаси сафида Германия чемпионатининг жорий мавсумида олтита гол ва тўртта голли узатма бор. "Ливерпуль" собиқ юлдузининг трансфери мюнхенликларга 70 млн еврога тушган.
