"Barselona" bosh murabbiyi Xans-Diter Flik klub himoyachi Erik Garsiya bilan shartnomani uzaytirish ustida ishlayotganini ma’lum qildi.
Shanba kuni 24 yoshli futbolchi "ko‘k-anorranglilar"ga "Kamp Nou"da Bilbaoning "Atletik" klubini mag‘lub etishga yordam berdi (4:0).
"Biz Erik Garsiya bilan yangi shartnoma tuzish ustida ishlayapmiz. So‘nggi paytlarda u qanchalik dadil ko‘rinayotganini hamma ko‘rib turibdi. Erik o‘yinni ajoyib o‘tkazdi," - dedi Flik matbuot anjumanida.
Himoya va yarim himoyada o‘ynay oladigan ispaniyalik futbolchining amaldagi kelishuvi 2026 yilning o‘rtalarida o‘z nihoyasiga yetadi.
