"Tottenxem" yetakchisi Tomas Frank "Arsenal" bilan derbida Xavi Simonsni ilk daqiqalardanoq maydonga tushirmaganiga izoh berdi.

Niderlandiyalik futbolchi ikkinchi bo‘lim boshlanishi arafasida zaxiradan maydonga tushdi, o‘shanda "shporlar" 0:2 hisobida yutqazayotgan edi. Tanaffusdan so‘ng "kanonirlar" yana ikki bor gol urishdi, Frank jamoasi bunga faqat Risharlisonning goli bilan javob qaytardi.

"Bu taktik qaror edi. Simons o‘zini tobora yaxshiroq ko‘rsatmoqda, ammo men so‘nggi bir necha hafta ichida juda yaxshi bo‘lgan Odoberni maydonga tushirishga qaror qildim," - dedi daniyalik murabbiy o‘yindan keyingi jurnalistlar bilan suhbatda.

Xavi Simons joriy mavsum avvalida "RB Leypsig"dan "Tottenxem"ga o‘tgan edi.