"Yuventus"ning serbiyalik hujumchisi Dushan Vlaxovichga "Real" qiziqish bildirmoqda. Bu haqda Fichajes portali xabar bermoqda.

Madridliklar ehtimoliy transferni tahlil qilmoqda, chunki jamoada "toza" forvard bo‘lishini istamoqda. 25 yoshli futbolchining turinliklar bilan shartnomasi 2026 yilning yozida yakuniga yetadi. "Real" futbolchini tekinga qo‘lga kiritishi ehtimoli bor.

Transfermarkt Vlaxovichning narxini 35 million yevroga baholamoqda. U bu mavsum "Yuventus" safida 16 ta o‘yinda maydonga tushib, 6 ta gol urdi va 2 ta golli uzatmani amalga oshirdi.