"PSJ" bosh murabbiyi Luis Enrike "Tottenxem"ga qarshi o‘yin qiyin bo‘lishini kutmoqda.
"PSJ" Chempionlar Ligasi 5-turi doirasida chorshanba kuni "Tottenxem"ni qabul qiladi.
"Mashq qilish osonroq, ko‘p gapirishning hojati yo‘q, chunki bu boshqa o‘yinlar va boshqa musobaqa ekanligini his qilasiz. Bu bizning turnirimiz, biz amaldagi g‘oliblarmiz va shu ruhda davom etishni istaymiz.
"Tottenxem" mavsumni juda yaxshi boshladi, shu paytgacha Chempionlar Ligasida mag‘lub bo‘lmagandi. Ularning aksariyat futbolchilari terma jamoalarda o‘ynaydi. Bu kuchli jamoa, o‘yin Yevropa Superkubogidagidek bo‘lmaydi. Biz ustunlik qilmoqchimiz - qiyin bo‘ladi, ammo biz "Park de Prens"da o‘ynaymiz," - dedi Enrike "PSJ" klubi televideniyesi efirida.
