"ПСЖ" бош мураббийи Луис Энрике "Тоттенхэм"га қарши ўйин қийин бўлишини кутмоқда.
"ПСЖ" Чемпионлар Лигаси 5-тури доирасида чоршанба куни "Тоттенхэм"ни қабул қилади.
"Машқ қилиш осонроқ, кўп гапиришнинг ҳожати йўқ, чунки бу бошқа ўйинлар ва бошқа мусобақа эканлигини ҳис қиласиз. Бу бизнинг турниримиз, биз амалдаги ғолиблармиз ва шу руҳда давом этишни истаймиз.
"Тоттенхэм" мавсумни жуда яхши бошлади, шу пайтгача Чемпионлар Лигасида мағлуб бўлмаганди. Уларнинг аксарият футболчилари терма жамоаларда ўйнайди. Бу кучли жамоа, ўйин Европа Суперкубогидагидек бўлмайди. Биз устунлик қилмоқчимиз - қийин бўлади, аммо биз "Парк де Пренс"да ўйнаймиз," - деди Энрике "ПСЖ" клуби телевидениеси эфирида.
