"PSJ" bosh murabbiyi Luis Enrike Chempionlar Ligasi umumiy bosqichining 5-turidan o‘rin olgan "Tottenxem"ga qarshi o‘yin oldidan o‘z fikrlarini bildirib o‘tdi.

"Tottenxem" mavsumni ajoyib boshladi va hali ham Chempionlar Ligasida mag‘lub bo‘lmadi. Ularning aksariyat futbolchilari terma jamoa futbolchilaridir. Bu kuchli jamoa. Biz ustunlik qilishga, pressing qilishga va o‘yinda g‘alaba qozonishga tayyormiz. Har bir uchrashuvdagi maqsadimiz bitta: ustunlik qilish. Qiyin bo‘ladi, lekin biz "Park de Prens"da o‘ynaymiz va muxlislarimiz qarshisida ajoyib o‘yin o‘tkazishga umid qilamiz", - deya Enrikening so‘zlarini keltiradi klub rasmiy sayti.

"PSJ" Chempionlar Ligasi umumiy bosqichining 4ta uchrashuvidan so‘ng 9 ochko jamg‘argan holda turnir jadvalida beshinchi o‘rinda bormoqda.