"Arsenal" va "Bavariya" klublarining sobiq hujumchisi Lukas Podolski londonliklarning hozirgi formasi va Angliya chempionligi uchun kurashdagi istiqbollari haqida fikr bildirdi.
Sobiq forvardning so‘zlariga ko‘ra, hozirgi "Arsenal" Premyer-ligada g‘alaba qozonish imkonini beradigan o‘yin namoyish etmoqda. Nemisning ta’kidlashicha, jamoa kuchli salohiyatga ega va joriy mavsumda Angliyadagi eng barqaror jamoalardan biri bo‘lib turibdi.
"Umid qilamanki, "Arsenal" bu mavsumda chempionlikni qo‘lga kirita oladi - buning uchun jamoada resurslar yetarli. Hozir ular juda ishonchli ko‘rinmoqda, ayniqsa himoyada. Men tomosha qilgan "Tottenxem" bilan o‘yin buni ko‘rsatdi - 4:1 hisobidagi g‘alaba haqli edi. Jamoa hamjihat harakat qiladi va hujumda turli futbolchilar xavf tug‘dirishi mumkin," - deya Podolski so‘zlarini keltiradi "Bavariya" matbuot xizmati.













