"Арсенал" ва "Бавария" клубларининг собиқ ҳужумчиси Лукас Подольски лондонликларнинг ҳозирги формаси ва Англия чемпионлиги учун курашдаги истиқболлари ҳақида фикр билдирди.
Собиқ форварднинг сўзларига кўра, ҳозирги "Арсенал" Премьер-лигада ғалаба қозониш имконини берадиган ўйин намойиш этмоқда. Немиснинг таъкидлашича, жамоа кучли салоҳиятга эга ва жорий мавсумда Англиядаги энг барқарор жамоалардан бири бўлиб турибди.
"Умид қиламанки, "Арсенал" бу мавсумда чемпионликни қўлга кирита олади - бунинг учун жамоада ресурслар етарли. Ҳозир улар жуда ишончли кўринмоқда, айниқса ҳимояда. Мен томоша қилган "Тоттенхэм" билан ўйин буни кўрсатди - 4:1 ҳисобидаги ғалаба ҳақли эди. Жамоа ҳамжиҳат ҳаракат қилади ва ҳужумда турли футболчилар хавф туғдириши мумкин," - дея Подольски сўзларини келтиради "Бавария" матбуот хизмати.
