Madridning "Real" klubi hujumchisi Kilian Mbappe jamoadoshi Vinisius Juniorning Chempionlar ligasi doirasidagi "Olimpiakos"ga (4:3) qarshi o‘yindagi ishtiroki haqida fikr bildirdi.
Fransuz "qaymoqranglilar"ning barcha to‘rtta goliga mualliflik qildi - ikki holatda unga braziliyalik hujumdagi sherigi yordam berdi.
"Bugun Vinisius ajoyib o‘yin o‘tkazdi. Uning jamoamizda bo‘lishi muhim ahamiyatga ega. Unga 90 daqiqa davomida qarshilik ko‘rsatish har qanday o‘ng qanot himoyachisi uchun haqiqiy dahshatdir," - dedi o‘yinning eng yaxshi futbolchisi sovrinini qo‘lga kiritgan Mbappe jurnalistlar bilan suhbatda.
