Мадриднинг "Реал" клуби ҳужумчиси Килиан Мбаппе жамоадоши Винисиус Жуниорнинг Чемпионлар лигаси доирасидаги "Олимпиакос"га (4:3) қарши ўйиндаги иштироки ҳақида фикр билдирди.
Француз "қаймоқранглилар"нинг барча тўртта голига муаллифлик қилди - икки ҳолатда унга бразилиялик ҳужумдаги шериги ёрдам берди.
"Бугун Винисиус ажойиб ўйин ўтказди. Унинг жамоамизда бўлиши муҳим аҳамиятга эга. Унга 90 дақиқа давомида қаршилик кўрсатиш ҳар қандай ўнг қанот ҳимоячиси учун ҳақиқий даҳшатдир," - деди ўйиннинг энг яхши футболчиси совринини қўлга киритган Мбаппе журналистлар билан суҳбатда.
