Niderlandiyaning PSV klubi bosh murabbiyi Peter Bos shogirdlarining Angliyaning "Liverpul" klubi ustidan qozonilgan g‘alabasidan so‘ng o‘z fikrlarini bildirib o‘tdi. Chempionlar ligasi 5-turidan o‘rin olgan o‘yin 4:1 hisobida yakunlandi.
"Men juda faxrlanaman. Ko‘rganlarim, shuningdek, biz o‘ynagan futbol bilan faxrlanaman.
Biz ba’zi narsalarni o‘zgartirdik va bu ish berdi. Bosim ostidan chiqib keta oldik. Bu PSV uchun zo‘r, ammo futbolimiz nufuzi uchun ham zo‘r," - deya murabbiyning so‘zlarini keltiradi NOS portali.
