Robert Levandovskining kelajagi hamon muhokama qilinmoqda, chunki polshalikning "Barselona" bilan amaldagi shartnomasi 2025/2026 yilgi mavsum oxirigacha mo‘ljallangan. Kataloniyaliklar katta ehtimol bilan tajribali forvard bilan shartnomani uzaytirmaydi.

Transfer News Live nashrining Calciomercato nashriga tayanib xabar berishicha, Levandovskini "Milan" erkin agent sifatida o‘z safiga qo‘shib olmoqchi.

Eslatib o‘tamiz, "Milan" safida Luka Modrich o‘tgan yozdan buyon to‘p tepib kelmoqda. Avvalroq, "rossonerilar" xorvat bilan shartnomani yana bir mavsumga uzaytirishga qaror qilgani haqida xabarlar tarqalgan edi.

Robert Levandovski kelasi yozda 38 yoshga to‘ladi.