Madridning "Real" klubi sobiq hujumchisi Ugo Sanches klubning hozirgi yulduzi Kilian Mbappe haqida gapirdi.

Fransiyalik forvard Chempionlar ligasining so‘nggi turida Gresiyaning "Olimpiakos" klubiga qarshi kechgan va "qaymoqranglilar"ning 4:3 hisobidagi g‘alabasi bilan yakunlangan o‘yinda poker qayd etdi.

"Mbappe ajoyib formada. U ishonchga to‘la va har doim o‘ziga xos bo‘lgan yetakchilik xarizmasini namoyish etadi", - deya Ugo Sanchesning so‘zlarini keltiradi El Larguero.

Kilian Mbappe joriy mavsumda "Real" safida barcha musobaqalarda 18 ta o‘yinda maydonga tushib, 22 ta gol urdi, shuningdek, 26 yoshli futbolchi hisobida 3 ta golli uzatma bor.