Мадриднинг "Реал" клуби собиқ ҳужумчиси Уго Санчес клубнинг ҳозирги юлдузи Килиан Мбаппе ҳақида гапирди.
Франциялик форвард Чемпионлар лигасининг сўнгги турида Грециянинг "Олимпиакос" клубига қарши кечган ва "қаймоқранглилар"нинг 4:3 ҳисобидаги ғалабаси билан якунланган ўйинда покер қайд этди.
"Мбаппе ажойиб формада. У ишончга тўла ва ҳар доим ўзига хос бўлган етакчилик харизмасини намойиш этади", - дея Уго Санчеснинг сўзларини келтиради El Larguero.
Килиан Мбаппе жорий мавсумда "Реал" сафида барча мусобақаларда 18 та ўйинда майдонга тушиб, 22 та гол урди, шунингдек, 26 ёшли футболчи ҳисобида 3 та голли узатма бор.
