Milanning "Inter" klubi o‘ng qanot himoyachisi Denzel Dyumfris kelasi oy boshida jarohatini davolashi kerak.

29 yoshli futbolchi "Milan" va Madridning "Atletiko" jamoalariga qarshi o‘tgan ikki o‘yinda maydonga tusha olmagan, bu o‘yinlarda "neradzurrilar" mos ravishda 0:1 va 1:2 hisobida mag‘lub bo‘lishgandi. Taniqli insayder Janluka di Marsio tarqatgan xabarga ko‘ra "Inter" niderlandiyalik futbolchini 9 dekabr kuni bo‘lib o‘tadigan Chempionlar ligasi navbatdagi turidan o‘rin olgan "Liverpul"ga qarshi o‘yin oldidan safga qaytishini kutmoqda.

Kristian Kivuning jamoasiga eng yaqin raqib "Piza" hisoblanadi. Uchrashuv A Seriya doirasida 30 noyabr, yakshanba kuni bo‘lib o‘tadi.