"Atletiko" 2025 yil 21 oktyabr kuni Chempionlar Ligasi umumiy bosqichining "Arsenal"ga qarshi safar o‘yinida (0:4) muxlislarning xatti-harakatlari uchun 30 ming yevro jarimaga tortildi.
ESPN’ning UEFAdagi manbalariga ko‘ra, muxlislar irqchilik va kamsituvchi xatti-harakatlarga yo‘l qo‘ygan, ular maymuncha imo-ishoralar va tovushlar hamda nasistcha salomlashishlarga qo‘l urgan. Shuningdek, ular tribunadan begona narsalarni uloqtirishgan.
"Atletiko" muxlislari buyumlar uloqtirgani uchun qo‘shimcha 10 ming yevro jarimaga tortildi. Shuningdek, klub shartli jazo oldi - bir yil sinov muddati bilan bitta safar o‘yiniga chipta sotishni taqiqlash.
"Atletiko" Chempionlar Ligasi umumiy turnir jadvalida 14-o‘rinni egallab turibdi - jamoa 5 o‘yindan keyin 9 ochko to‘plagan.













