"Атлетико" 2025 йил 21 октябрь куни Чемпионлар Лигаси умумий босқичининг "Арсенал"га қарши сафар ўйинида (0:4) мухлисларнинг хатти-ҳаракатлари учун 30 минг евро жаримага тортилди.
ESPN’нинг УEФАдаги манбаларига кўра, мухлислар ирқчилик ва камситувчи хатти-ҳаракатларга йўл қўйган, улар маймунча имо-ишоралар ва товушлар ҳамда нацистча саломлашишларга қўл урган. Шунингдек, улар трибунадан бегона нарсаларни улоқтиришган.
"Атлетико" мухлислари буюмлар улоқтиргани учун қўшимча 10 минг евро жаримага тортилди. Шунингдек, клуб шартли жазо олди - бир йил синов муддати билан битта сафар ўйинига чипта сотишни тақиқлаш.
"Атлетико" Чемпионлар Лигаси умумий турнир жадвалида 14-ўринни эгаллаб турибди - жамоа 5 ўйиндан кейин 9 очко тўплаган.
