"Barselona" ustozi Xansi Flik jamoa yarim himoyachisi Fermin Lopesning jarohati haqida fikr bildirdi.

22 yoshli xavbek o‘ng boldiridan olgan jarohati sabab 2 haftaga safdan chiqqan edi.

"Bu futbol. Bunday holatlar bo‘lib turadi. Ba’zan hatto yangi butsa ham bunga sabab bo‘lishi mumkin… Futbolchilar har oy yangi butsa olishadi.

Albatta, Sancetning o‘sha zarbasi unga ta’sir qildi, lekin u o‘sha paytda hech qanday muammo sezmagan. Faqat o‘yindan keyin og‘riq borligini aytdi. Endi biz bu vaziyatni boshqarishimiz kerak", - dedi Flik "Alaves"ga qarshi o‘yindan oldingi matbuot anjumanida.

"Ko‘k-anorranglilar" ertaga La Liga doirasida "Alaves"ni "Kamp Nou"da qabul qiladi.