Madridning "Real" klubi darvozaboni Andrey Lunin "Inter"ning qiziqishlar doirasiga kirib qoldi.

Milanning "Inter" klubi kelasi mavsum uchun darvozabon qidirmoqda, chunki jamoaning asosiy posboni Yan Zommer 37 yoshda. "Inter"ning asosiy nishoni Mayk Menyan bo‘lib turibdi, ammo fransuz yangi klubdan katta moliyaviy shartlar talab qilishi aniq. Shuni inobatga olgan holda, Italiya klubi o‘z e’tiborini "Real" futbolchisi Andrey Luninga qaratdi, deb xabar beradi Defensa Central.

Qayd etilishicha, "Inter" ukrainalik futbolchiga doimiy o‘yin amaliyotini kafolatlashi mumkin edi. Bundan tashqari, "Real" va "Olimpiakos" o‘rtasidagi ECHL o‘yinida Luninning o‘yinini kuzatgan "neradzurrilar" skauti ham bor edi. Yozda Andrey kam o‘yin amaliyoti va Tibo Kurtua o‘rniga boshqa darvozabon sotib olinishi haqidagi mish-mishlar tufayli "Real"ni tark etish imkoniyatini ko‘rib chiqishi mumkin.

"Inter" 2026 yilning yozida Luninni 10-12 million yevroga sotib olishga tayyor. "Real" prezidenti Florentino Peres, shuningdek, futbolchining o‘zi ham italiyalik grandning taklifini qabul qilishi yoki qilmasligini hal qilishi kerak bo‘ladi.

Ma’lumot uchun, Andrey Lunin joriy mavsum "qaymoqranglilar" safida 1 ta o‘yinda maydonga tushdi va o‘z darvozasidan 3 ta gol o‘tkazib yubordi. Ukrainalik futbolchining "qirollik klubi" bilan shartnomasi 2030 yilgacha mo‘ljallangan.