Ispaniyalik sobiq hujumchi Fernando Torres Yurgen Kloppni o‘zining sevimli murabbiyi deb bilishini tan oldi. Germaniyalik mutaxassis qo‘yayotgan futbol unga juda ma’qul kelmoqda.

"Luis Aragones - men uchun futbolda eng ko‘p ish qilgan murabbiy. Ammo Yurgen Klopp - mening ideal murabbiy modelim. Unda mukammal murabbiyda bo‘lishi kerak bo‘lgan hamma narsa bor. Uning jamoalari aynan men yoqtirgan futbolni o‘ynaydi. Ayniqsa, biz alohida dinamikaga ega bo‘lgan ingliz futboli haqida gapirganimizda", - deya Torresning so‘zlarini keltiradi derbyderbyderby.it.

Eslatib o‘tamiz, Fernando Torres Angliyada "Chelsi" va "Liverpul" kabi klublarda to‘p tepgan, ammo Klopp bilan ishlashga ulgurmagan.