Madridning "Atletiko" klubi "Kristal Pelas" markaziy himoyachisi Mark Gexiga da’vogarlar safini to‘ldirdi.
25 yoshli futbolchi mavsum yakunlangach "burgutlar" bilan tugaydigan shartnomasini uzaytirmaslikka uzil-kesil qaror qildi. Jurnalist Matteo Morettoning ma’lum qilishicha, "matraschilar" inglizning atrofidagilar bilan aloqaga chiqishgan va uni o‘z saflariga og‘dirib olishga jiddiy bel bog‘lashgan. Futbolchiga "Bavariya," "Barselona" va "Liverpul" klublari ham qiziqish bildirmoqda.
Yangi yilning yanvar oyidayoq Mark Gexi xorij klubi bilan shartnoma oldidan kelishuv tuzish imkoniyatiga ega bo‘ladi. Joriy mavsumda "Kristal Pelas" sardori 20 ta o‘yinda maydonga tushdi va 1 ta gol hamda 3 ta golli uzatmaga mualliflik qildi.
